وئام مجدي تكشف سبب فشل علاقاتها العاطفية.. «كان مدمن كذب»

تحدثت الفنانة وئام مجدي عن كواليس علاقتها العاطفية، وسبب تأخرها في خطوة الخطوبة والزواج حتى الآن.

قالت وئام مجدي عبر تصريحات تلفزيونية: «أنا عاطفية وحبيبة أوي، وارتبطت مرتين وفركشت والتجربة الأولى كانت مع شخص مدمن كذب بدون أي سبب».

تصريحات وئام مجدي

وتابعت: «مكنش عايز حد يعرف عنه حاجة خالص، وكان أكتر شخص مؤذي شوفته في حياتي، بيزيف مشاعره».

واستكملت وئام مجدي: «5 أصدقاء مقربين ليا حذروني منه، لكني قررت أسيبه لما حسيت إنه طفاني، واكتشفت بعدها أن اللي كان بيقولوه ليا عنه كله صح، وشخصيتي تغيرت بعدها».

وئام مجدي مسلسل حالة خاصة

أسرار وئام مجدي

وأضافت: «أما التجربة التانية فأنا حسيت إني مش مرتاحة فقررت أنهي العلاقة تمامًا، والست اللي بتقول بكره الإكس تبقى بتحبه أوي، لكن لما تقول قرفانة منه كده يبقى مش بتحبه فعلا».

وقالت وئام مجدي أيضًا: «أنا مبسوطة بالشغل، ربنا كرمني في الشغل، مش لازم الحب، وأدخل في علاقة توكسيك، لو ربنا كاتب حد يبقى موجود هيبقى موجود، مش لازم أدور، لأن مفيش أبشع من اختياراتي، فبأسيبها على ربنا».

وأشارت إلى أنه بالرغم من عملها في مجال الفن منذ سنوات، إلا أنها اكتسبت شهرتها من خلال السوشيال ميديا وليس التمثيل، مختتمة: «الناس عرفتني من السوشيال ميديا، ودائما لما يشوفوني يسألوني عن تيتا، ولما رحت دبي، الناس كانوا بيسألوني عن تينا نوال، الناس يعرفوني بشخصية عبير من مسلسل حالة خاصة ومن فيديوهاتي مع تيتا على السوشيال ميديا».

وئام مجدي