«اللهو الخفي».. شوبير يحذر أبو ريدة من كارثة تهدد الكرة المصرية

طالب الإعلامي أحمد شوبير من هاني أبو ريدة رئيس الاتحاد المصري لكرة القدم بالتدخل في عدم تغيير نظام كرة القدم في الموسم الحالي والقادم.

وقال أحمد شوبير عبر إذاعة «أون سبورت»:« من بدري، احنا داخلين على مصيبة سودة في الدوري العام بعد كدة، قولنا الموسم ده موسم استثنائي مش عارفين يكملوا الدوري وحاجة صعبة وماتشات افريقيا وتصفيات كأس عالم وتصفيات أفريقيا».

وتابع:«احنا في حاجة لموسم استثنائي وقولت من بداية السنة فكرة انك تلعب السنة الجاية دوري من 19 نادي فكرة كارثية مشوفتهاش قبل كدة موجودة في تركيا بسبب الزلزال، نسيب العالم كله بقى ألمانيا وإنجلترا وهولندا والإمارات والسعودية وماليزيا، هنسيب كل الدنيا دي ونروح على النموذج ده».

وواصل: “الاتجاه دلوقتي في فكرة “كيف يتم إلغاء الهبوط” احنا في كارثة هتحصل قريبا، وهتشقلب نظام الكرة المصرية بالكامل”.

واضاف: «داخلين علي كارثة تغير نظام كرة القدم في مصر لما هو أسوأ القادم أسوأ إذا كانت الناس بتفكر بالطريقة دي، اعمل مجموعتين الاخوة الاعزاء في ليبيا عملوا الدوري من 36 فريق عملوا أربع مجموعات احنا هنوصل لدة في يوم من الأيام، لا انت عارف دة دوري ممتاز من محترفين من درجة أولي من مش عارف مين شغلانة صعبة جدا».

وأختتم:«في لوائح طبقها في نظام طبقه عشان تنجح نحن على أعتاب كارثة كروية تنظيمية وبقول للمهندس هاني أبو ريدة من دلوقتي حط انت ايدك في الموضوع، بلاش الناس اللي من برا بتشتغل اللهو الخفي دون أي صفة رسمية، خلي الدوري يشتغل صح تصدق انا موافق انه يبقي 19 لكن اللي بيحصل ده كارثة الكوارث، الدوري هيبوظ لسنين كثيرة قادمة».